Туркийн Төв банк 21-ний өдөр бодлогын хүүгээ 5 пунктээр нэмэгдүүлж 50 хувьд хүргэжээ. Айл өрхүүдийг эдийн засгийн хүнд байдалд оруулж буй инфляцын өсөлтөөс сэргийлэхийн тулд бодлогын хүүгээ ийнхүү дахин нэмэгдүүлэх шийдвэр гаргасан байна.

Энэ сарын 31-ний өдөр болох хотын даргын сонгуулийн өмнө Төв банк бодлогын хүүгээ тогтвортой байлгана гэж олон нийт таамаглаж байсан нь ийнхүү талаар болов.

Тус банкны зүгээс “Инфляцын өсөлт улам бүр нэмэгдэх хандлагатай байгаа учир бодлогын хүүг өсгөхөөс өөр аргагүй боллоо. Сар бүрийн инфляцын түвшингийн үзүүлэлт тасралтгүй буурах хүртэл мөнгөний хатуу бодлогыг баримталсаар байх болно” хэмээн мэдэгджээ.

Өнгөрөгч 2-р сард Туркийн хэрэглээний үнийн өсөлт 67 хувьд хүрч хүлээлтээс давсан байна. Үнийн өсөлтөөс үүдэн олон айл өрх хоол хүнс, түрээс, хэрэглээний төлбөрөө төлөхөд хүндрэлтэй тулгараад байгаа юм.

Өнгөрсөн оны 6-р сард 8.5 хувь байсан бодлогын хүүгээ хэд хэдэн удаа дараалан нэмэгдүүлснээр өнгөрөгч 1-р сард 45 хувьд хүрээд байсан билээ.

Эх сурвалж: Newsis