Жүжигчин Уилл Смит, Мартин Лауренс нарын тоглосон инээдмийн, тулаант кино болох Bad Boys цувралын дөрөвдүгээр ангийн анхны, албан ёсны трэйлер цацагджээ.
“Bad Boys: Ride or Die” гэх уг киноны хувьд энэ оны зургаадугаар сард үзэгчдийн хүртээл болох төлөвтэй байгаа юм.
Колумбиа Пикчерсийн бүтээл эл киноны нэгдүгээр ангийн хувьд анх 1995 онд олны хүртээл болж байсан бол 2003 онд хоёрдугаар анги, 2020 онд гуравдугаар ангиа цацаж байсан билээ.
Тийнхүү трэйлерээс үзвэл шинэ анги ч бусад ангийнхаа адил адал явдлаар дүүрэн байх нь дамжиггүй ажээ.
30 орчим жилийн хугацаанд 4 ангиа цацаж, анх эхэлсэн гол дүрийн жүжигчдийнхээ хамтаар өдгөө ахин үзэгчдийн хүртээл болох гэж буй эл киноны трэйлер та эндээс хүлээн авч үзээрэй!
Эх сурвалж: UNILAD