Британийн дуудлага худалдааны "Henry Aldridge and Son Ltd" ирэх бямба гарагт Титаник хөлөг онгоцны үлдэгдлээс олдсон эд өлгийн зүйлсийг дуудлага худалдаанд оруулах болжээ. Эд өлгийн зүйлст Титаникийн нэгдүгээр зэрэглэлийн зорчигчдод зориулсан меню болон хөнжил, халаасны цаг зэрэг багтсан байна.
Дуудлага худалдааг зохион байгуулагчдын таамаглаж байгаагаар тус меню ойролцоогоор 86,000 ам.долларын үнэ хүрэх юм. Ус нэвчиж, зарим үсэг нь харагдахгүй болсон эл меню нь дөрөвдүгээр сарын арваннэгний оройн зоогийн меню бөгөөд тайлж уншваас, тухайн үдэш Титаник хөлөг онгоцны нэгдүгээр зэрэглэлийн зорчигчид хясаа, тунхууны цөцгийтэй үхрийн мах, цагаан луувангийн нухаш зэргээс зооглосон болохыг илтгэх ажээ.
Мөн түүнчлэн дуудлага худалдаагаар зарагдах хөнжил нь Титаник хөлөг онгоцноос олдсон хамгийн гайхалтай, биет эд өлөгт тооцогдож байгаа юм. Улмаар зохион байгуулагчдын зүгээс тус хөнжлийг дор хаяж 100,000 ам.долларын үнэ хүрнэ гэж тооцож байгаа ажээ.
Эх сурвалж: CNN