Rosewood Hospitality Group нь Америк, Монгол удирдлагатай, хоёр соёлт багтай ресторан, хүнсний үйлчилгээний компани юм. 2011 оноос хойш бид Улаанбаатар хотын зочлох үйлчилгээний салбарт өөрчлөлт авчирсан анхдагчдын нэг байсаар ирсэн — Монголын анхны Гүрмэ махны дэлгүүр (Butchery by Rosewood), анхны Гүрмэ дэлгүүр (Market by Rosewood), анхны кофе бренд (Sachem Coffee) зэргийг үүсгэн байгуулж, жишиг тогтоож манлайлж ирсэн. Өнөөдөр бид La Rosa Tapas & Tequila, Fat Hen Chicken, болон DeQuattro зэрэг салбаруудаараа дамжуулан зочдодоо өндөр түвшний үйлчилгээ, өвөрмөц, үнэ цэнтэй дурсамжуудыг хүргэж байна.
Манайд ажиллахад туршлагаас илүүтэй зөв хандлага, ёс зүйтэй, суралцах хүсэлтэй байх нь чухал. Бид хүн бүрт сурч хөгжих, дэвших боломжийг олгож, хамт олонтойгоо бие биенээ хүндэлж, дэмжих уур амьсгалыг эрхэмлэдэг. Жишээлбэл, манай шинэ ажилтнууд бэлтгэл сургалтаар дамжин, ажил үүргийн дагуу шат дараалсан дадлага хийж, хүсвэл удирдлагын түвшинд өсөж дэвших зам нээлттэй байдаг.
Rosewood-д ажиллана гэдэг бол зүгээр нэг ажил хийх биш — хэн нэгэнд сайхан дурсамж бүтээж өгөх, өөрөө ч гэсэн хувь хүний хувьд өсөн дэвжих тухай юм. Бид 'юу хийж байгаа вэ' гэхээс илүү 'яагаад хийж байна вэ' гэдгийг ойлгож ажилладаг соёлтой. Жишээлбэл, бид аливаа зүйлийг “ашигтай юу?” гэж бус, “үнэт зүйлтэй маань нийцэж байна уу?” гэж асууж шийддэг. Энэ нь биднийг зөвхөн бизнесийн хувьд биш, хүний хувьд ч зөв замд чиглүүлж өгдөг.
Хэрвээ Та эерэг хандлагатай, хүнтэй зөв харилцдаг, бүтээлч, суралцах чин хүсэлтэй бол — Та яг бидний хайж буй хүн байж мэднэ.
Монголын зочлох үйлчилгээний салбарт дэлхийн жишгийг тогтоосон, хүмүүнлэг, инновацид суурилсан, олон улсын түвшний байгууллага байх.
Хоол хүнс, үйлчилгээ, хамт олноороо дамжуулан зочдод мартагдашгүй дурсамж, ажилтнуудад утга учиртай өсөлт, салбартаа эерэг өөрчлөлт бүтээх
Hospitality from the Heart
1. Аялал жуулчлал, зочид буудал, нийтийн хоолны үйлчилгээ
Ёс зүй ба хүнлэг байдал — Бид хүн бүртэй шударга, хүндэтгэлтэй ханддаг.
Үргэлж суралцах — Өсөлт, дасан зохицох чадвар бидний соёлын төвд байдаг.
Үйлчилгээний сэтгэл — Бидний үйлчилгээ бол зүгээр нэг үйлдэл биш, зүрх сэтгэлээс гардаг.
Хариуцлага ба санаачилга — Бид асуудлыг хүлээдэггүй, шийдлийг бүтээдэг.
Багийн нэгдэл — Амжилтыг “би” биш “бид” бүтээдэг.
2009
50
