Монгол эх орны маань ирээдүй болсон хүүхэд бүр оюунлаг, ёс суртахуунтай, эх оронч, бүтээлч сэтгэлгээтэй болж төлөвшинө гэдэгт Монголын Оюун Ухааны Академийн хамт олон бид бат итгэлтэй байдаг. Тиймээс Монгол хүний оюуны чадамжийг хөгжүүлэх замаар Монгол улсын хөгжил дэвшилд иргэн бүрийн оролцоог нэмэгдүүлэх, оюуны спортыг эх орондоо хөгжүүлж дэлхийд үнэлэгдэх оюуны спортын тамирчдыг бэлтгэнэ гэсэн эрхэм зорилготойгоор 2010 оноос эрчимтэй үйл ажиллагаагаа явуулсаар ирлээ.

Сургалтыг мэргэжлийн өндөр чадвартай, мэдлэгээ бусдад хуваалцах мэдрэмжтэй шилдэг залуу багш нараар шинжлэх ухааны үндэслэлтэй, онол практикийг хослуулсан суралцагч төвтэй сургалтыг чанарын өндөр түвшинд зохион байгуулж оюуны онцгой чадваруудыг эзэмшүүлж байна.

Монгол улсынхаа иргэн бүрийн оюуны чадамжийг хөгжүүлэх зорилготой Улаанбаатар хотын 5 дүүрэгт нийт 16 гэрээт салбар ажиллаж байна. Орон нутагт Дархан-Уул, Орхон, Сэлэнгэ, Өвөрхангай, Хөвсгөл, Увс, Баян-Өлгий, Ховд, Дорнод, Баянхонгор, Говьсүмбэр, Өмнөговь, Дундговь, Дорноговь, Төв, Сүхбаатар, Хэнтий зэрэг аймгуудад нийт 37 гэрээт салбарууд үйл ажиллагаагаа явуулж байна.

Олон улсад Америк, Австрали, Румын, Өвөрмонгол, Киргиз улсад франчайз гэрээт салбаруудаа албан ёсоор нээж үйл ажиллагаагаа эхлүүлээд байна.