Байгууллагын тухай:

Манай компани нь уул уурхай, инженейринг, өрөмдлөг, тэсэлгээний салбарт иж бүрэн үйлчилгээ үзүүлдэг, мэргэжлийн чадварлаг инженер, мэргэжилтнүүдтэй, олон жилийн туршлагатай, салбартаа тэргүүлэгч байгууллага юм. Бид үйл ажиллагаагаа өргөжүүлэн салбартаа дэлхийн түвшний чанартай бүтээгдэхүүн, үйлчилгээ болон зах зээл эзлэлт, аюулгүй ажиллагаагаар тэргүүлэгч байр сууриа улам батжуулах, өргөжүүлэх зорилгоор мэргэжлийн удирдлагын багийг бүрдүүлэхийг зорин ажиллаж байна.

Ажлын байрны зорилго:

Гүйцэтгэх захирлын ажлын байрны зорилго нь компанийн стратегийн бодлого, үйл ажиллагааг удирдан чиглүүлж, бизнесийн өсөлт, зах зээл тэлэлтийг нэмэгдүүлэх замаар ашиг орлогыг нэмэгдүүлэх, олон улсын түвшний сайн туршлагуудыг тогтмол нэвтрүүлж үйл ажиллагааны аюулгүй, тогтвортой үйл ажиллагааг өндөр түвшинд хангах, удирдлагын баг болон инженер мэргэжилтнүүдийн ур чадвар, мэдлэг туршлагыг тасралтгүй сайжруулж, түлхүүр ажлын байрны залгамж халааг бэлтгэх, байгууллагын бүтэц, үйл ажиллагааг хамгийн үр ашигтай байдлаар зохион байгуулах, манлайлал, үлгэр дуурайлал үзүүлж ажиллах явдал юм.

Үндсэн чиг үүрэг:

• Компанийн стратеги, бизнес төлөвлөгөө, бодлого боловсруулж хэрэгжүүлэх;
• Үйл ажиллагааны төлөвлөгөө, төсөв баталж, хэрэгжилтэд хяналт тавих;
• Компаний санхүүгийн тогтвортой байдал, үр ашигтай байдлыг хянах, хангах;
• Төслийн менежмент, гэрээ хэлцлийн удирдлагыг хэрэгжүүлэх;
• Борлуулалт хийх, харилцагч, түнш байгууллагуудтай харилцааг тогтмол бэхжүүлж, хөгжүүлэх;
• Аюулгүй ажиллагаа, эрүүл ахуй, хөдөлмөр хамгааллын бодлого хэрэгжүүлэх;
• Байгууллагын соёл, хүний нөөцийн менежментийг тасралтгүй сайжруулах;

Үндсэн шаардлага:

• Бизнесийн удирдлага, Уул уурхай, Геологи, Инженерчлэл эсвэл холбогдох чиглэлээр бакалавр ба түүнээс дээш зэрэгтэй;
• Бизнес менежмент, уул уурхай, тэсэлгээ, өрөмдлөг эсхүл инженейрингийн чиглэлээр 8-аас дээш жил ажилласан туршлагатай, үүнээс 5-аас дээш жил удирдах албан тушаалд ажилласан байх;
• Харилцагч байгууллагуудын удирдлагуудтай гэрээ хэлцэл хийх, зөвшилцөлд хүрэх, харилцааг тогтмол бат бөх удирдаж авч явах харилцааны өндөр ур чадвартай;
• Борлуулалт хийх, ашигт ажиллагааг хангах, тогтмол өсөн нэмэгдүүлж ажиллаж байсан өндөр туршлагатай;
• Стратегийн төлөвлөлт, хэрэгжилт, бизнесийн менежментийн мэдлэг туршлагатай;
• Байгууллагын соёл, үнэт зүйлс нийцэж ажиллах буюу ёс зүйтэй, бусдад хүндэтгэлтэй, санал санаачилгатай ажиллах чадвартай;

Нэмэлт шаардлага:

• Манлайлах, асуудал шийдвэрлэх өндөр ур чадвартай;
• Хөдөлмөрийн аюулгүй байдал, эрүүл ахуйн тухай хуулийн хэрэгжилтийг хангаж ажиллах мэдлэг туршлагатай байх;
• Төслийн удирдлага, өөрчлөлтийн удирдлагын чиглэлээр мэдлэг туршлагатай;
• Англи хэлний бичгийн болон ярианы дундаас дээш түвшний чадвартай бол давуу тал болно;

Цалин урамшуулал, хөнгөлөлт хангамж, бусад боломжууд:

• Группийн харьяа 19 охин компанийн гүйцэтгэх удирдага болон дээд удирдлагатай шууд хамтран ажиллаж, хамтдаа суралцаж хөгжих боломж
• Үндсэн цалин 10 сая хүртэл /ур чадвар, туршлагаас хамаарна/
• Гүйцэтгэлд суурилсан өрсөлдөхүйц жилийн урамшуулал
• Карьерийн өөрчлөлт, өсөлт хөгжлийн өргөн боломж
• Удирдлага, манлайллын тусгай сургалт хөгжлийн хөтөлбөрүүд
• Ажилтны хөнгөлөлттэй зээл
• Эрүүл мэндийн жилийн цогц даатгал
• Албаны зориулалттай унаа, шатахууны хөнгөлөлт
• Тусгай утасны дугаар
• Гар утасны ярианы төлбөрийн хөнгөлөлт
• Фитнес төлбөрийн хөнгөлөлт
• Анкет хүлээн авах хугацаа: 2025 оны 5 сарын 25-ны өдрийг дуустал