Санхүүгийн түрээсийн судалгаа шинжилгээ, шийдвэр гаргалтад дэмжлэг үзүүлэх зорилгоор түрээслүүлэх түрээсийн зүйлийн үзүүлэлт, хүчин чадал, үнэ ханшийн судалгааг хийж, нийцлийн тодорхойлолтыг боловсруулах, Түрээсэлсэн түрээсийн зүйлийн бүрдүүлэлт, баримт бичгийн бүрдэл, чанар, аюулгүй байдал, тэдгээрийн ашиглалт, засвар үйлчилгээг холбогдох дүрэм, журам, заавар, хууль тогтоомжийн хүрээнд зохион байгуулах, түүнд мэргэжлийн зөвлөгөө өгч дэмжин ажиллах, хяналт тавих, түрээсийн зүйлийн өмчлөх эрхийг шилжүүлэхтэй холбогдох ажиллагааг хэрэгжүүлэх.

• Тоног төхөөрөмжийн инженер, механикийн инженер, техник хангамжийн инженер, эдийн засаг, бусад инженерийн чиглэлээр бакалавр болон түүнээс дээш зэрэгтэй;
• Инженерийн чиглэлээр 1-ээс дээш жил ажилласан ажлын туршлагатай;
• Техник, тоног төхөөрөмжийн талаар өндөр мэдлэгтэй, тоног төхөөрөмжтэй харьцах чадвартай;
• Техникийн тооцоололд эрсдэлийн шинжилгээ хийх, нөхцөл байдалд үнэлгээ өгөх, дүгнэлт хийх чадвартай;
• MS office-ийн орчны программууд болон хэрэглээний программуудыг эзэмшсэн, холбогдох санхүүгийн  программуудын талаар мэдлэгтэй;
• Хууль эрх зүйн зохих түвшний мэдлэгтэй;
• Бусдын нөлөөнд үл автах, харилцааны ёс зүйн хэм хэмжээг баримталж ажилладаг;
• Ажил хэрэгч, хариуцлагатай, нягт нямбай, бүтээлч, санаачилгатай;
• Багаар ажиллах, удирдан зохион байгуулах чадвартай байх шаардлагыг тус тус тавьж байна.

Монгол Улсын Хөгжлийн банкны охин компани болох “Ди Би Эм лизинг” ХХК-ийн зорилго нь үндэсний эдийн засгийн тогтвортой өсөлтийг хангах, тэргүүлэх салбаруудад хэрэгжих төсөл, хөтөлбөрүүдэд болон импортыг орлох, экспортын орлогыг нэмэгдүүлэх үйлдвэрлэл, үйлчилгээг хөгжүүлэхэд шаардлагатай техник, тоног төхөөрөмжийн санхүүгийн түрээсийн үйлчилгээ үзүүлэх явдал болно.

Эх орныхоо ирээдүйн хөгжил дэвшилд бодит хувь нэмрээ оруулах хүсэл, зорилго бүхий чадварлаг мэргэжилтэн таныг “Ди Би Эм лизинг” ХХК-ийн ажлын байрын сонгон шалгаруулалтад урьж байна.