БНАСАУ-ын мэдээлэл технологийн мэргэжилтнүүд бусдын хувийн мэдээллийг хулгайлан АНУ-ын компаниудад ажилд орох болжээ
2024, 9 сарын 6. 9:380

Wall Street Journal сонины орон нутгийн цагаар 5-ны өдөр мэдээлснээр, Умард Солонгосын мэдээллийн технологийн мэргэжилтнүүд хиймэл оюун ухааны технологи ашиглан өөрийгөө АНУ-ын иргэн хэмээн итгүүлж, улмаар Америкийн мэдээллийн технологийн компаниудад цахимаар ажиллах тохиолдол олон гарч буй талаар онцолжээ.

Тус мэдээнд дурдсанаар, АНУ-ын KnowBefore кибер аюулгүй байдлын компани өнгөрсөн долдугаар сард ажилтан шалгаруулж авах үед Вашингтон мужид амьдардаг Кайл гэх хүн өргөдлөө илгээсэн нь үнэндээ Умард Солонгосын иргэн байсан нь тодорхой болсон байна.

Кайл KnowBefore компанийн шаардсан мэргэжлийн программын хэлийг чөлөөтэй ашиглаж, Zoom платформоор дамжуулан хийсэн цахим ярилцлагынхаа үеэр өөрийнхөө давуу талыг тодотгож тун амжилттай ажилд орсон ч ажлын эхний өдрөө тус компанийн серверт вирус бүхий программ суулгах гэж оролдох үед нь тус компанийн дотоод аюулгүй байдлын албаныхан илрүүлж чадсан аж.

Улмаар тус компани Кайлыг бусдын хувийн мэдээллийг хулгайлсан хуурамч ажил горилогч болохыг тогтоож, энэ талаар АНУ-ын Холбооны мөрдөх товчоонд мэдэгдсэн байна.

АНУ-ын эрх баригчид болон кибер аюулгүй байдлын компаниудын мэдээлснээр цар тахлын дараачаас цахимаар ажиллах хүмүүсийн тоо эрс нэмэгдсэнээс гадна хиймэл оюун ухааны технологи асар хурдацтай хөгжиж буй энэ үед Умард Солонгосын олон зуун иргэд гадны иргэдийн хувийн мэдээллийг хулгайлж, мэдээллийн технологийн салбарын аж ахуй нэгжүүдэд доод түвшний ажил хийж буй талаар дурджээ.

Wall Street сонины мэдээлснээр Умард Солонгосын мэдээллийн технологийн салбарын хэдэн мянган мэргэжилтэн яг энэ аргаар ажиллаж байж магадгүй хэмээн таамагласан байна.

Эх сурвалж: MBC

Энэ мэдээнд өгөх таны сэтгэгдэл?
1
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
ОХУ 2025 онд 1 сая Энэтхэг мэргэжилтнүүдийг ажилд авна.
02025-7-18 23:42
Ээж болсноор мэргэжлийн карьер саардаг гэх судалгаа гарчээ.
12025-5-12 23:28
Компаниуд ур чадвараас илүү “сэтгэгдэлд” үндэслэн ажилд авдаг нь тогтоогджээ
02025-5-1 23:07
Мэдээлэл технологийн салбарт AI-р орлуулах боломжтой ажилчдыг цомхотгоход ойрхон ирээд буйг онцоллоо  
02025-4-25 22:23
Ажлын гараагаа эхэлж буй ажилтнуудад тулгардаг ажлын байрны 5 сорилт
02025-4-24 21:39
Мичиган муж эрэгтэйчүүдэд их сургууль болон мэргэжлийн сургалтын хүртээмжийг нэмэгдүүлж байна
02025-4-23 15:10
100 мянган долларын цалин АНУ-ын том хотуудад өрхийн өргөн хэрэглээнд хүрэлцэхгүй байна
02025-4-21 20:33
Ажилчдаа урамшуулах нь сэтгэцийн эрүүл мэндэд тустай болохыг судалгаанууд харуулж байна
02025-4-16 16:01
АНУ-д таван ажилтан тутмын нэг нь карьераа өөрөө шийдэх боломжгүй гэжээ
02025-4-15 16:08
Орлого ихсэх тусам аз жаргал улам үнэтэй болдог
02025-4-4 11:56