Мягмар гарагт BBC сувгаас мэдээлснээр Ойрх Дорнодод газрын тосны өрөмдлөгийн үеэр хаягдал хийг шатаах явдал нь агаарт их хэмжээний хорт бодисыг нийлүүлж байна гэжээ. Улмаар хорт бодис нь агаарт тархаж, тухайн бүс нутгийн агаарын чанарт нөлөөлж буй юм.

Энэ талаар мэдээлэх болсон шалтгаан нь энэ удаагийн НҮБ-ын COP28 уур амьсгалын талаарх бага хурлыг пүрэв гарагт АНЭУ зохион байгуулах гэж байгаатай холбоотой гэнэ. Учир нь АНЭУ 20 жилийн өмнөөс газрын тосны өрөмдлөгийн үеэр хаягдал хийг шатаахыг хориглосон ч одоог хүртэл тус төрлийн хийг шатаасаар байгаа хиймэл дагуулын зураг байгаа юм.

АНЭУ-ын хувьд тус бага хурлыг зохион байгуулж буй давуу эрхээ ашиглан энэ удаагийн хурлаар өндөр үнийн дүн бүхий газрын тос, байгалийн хийн гэрээ үзэглэхээр бэлдэж байгаа билээ. Хэрэв тэд энэ төрлийн гэрээг олноор үзэглэвэл хаягдал хийг шатаах явдал ч ихсэх юм.

Эх сурвалж: BBC