Investing Reviews веб хуудас Их Британийн тэтгэврийн доод нас, тэтгэвэр, хөрөнгө оруулалтын хүрээн дэх ойлголтыг нь тодруулах зорилгоор нийт 2,000 гаруй хүнээс түүврийн аргаар нэгэн судалгааг авчээ.

Судалгааны дүнд судалгаанд оролцогчдын 68.71 хувь нь Их Британи улсыг тэтгэврийн доод насаа бууруулах хэрэгтэй хэмээсэн байна. Тус улсын тэтгэврийн доод насны хувьд өдгөө 66 байгаа юм. Мөн түүнчлэн судалгаанд оролцогчдын хэлж байгаагаар тэдний 71.16 хувь нь Их Британи улсад тэтгэвэрт гарах нь урьд урьдынхаас ч хэцүү болсон гэжээ.

Үүний шалтгаан нь судалгаанд оролцогчдын дийлэнх нь тэдний тэтгэвэр тэтгэвэрт гарахад хангалттай хүрэлцээтэй биш гэж үздэгтэй холбоотой юм. Гэвч судалгаанд оролцсон нийт хүмүүсийн 34.93 хувь буюу бараг гуравны нэг нь тэтгэвэрт гарахдаа хэчнээн фунтийн тэтгэвэр авахаа ч мэдэхгүй байсан гэнэ.

Харин судалгаанд оролцогчдын 42.66 хувь нь боломжтой бол Их Британи улсаас өөр улсад тэтгэвэртээ гарна гэсэн байна. Улмаар энэхүү судалгаа нь их британичуудын хүрээнд тэтгэврийн тухай ойлголт тийм ч хангалттай бус байгааг харуулжээ.

Эх сурвалж: HR News