Энэ сарын 20-ы өдөр Эквадор улсад ээлжит ерөнхийлөгчийн сонгууль зохион байгуулагдах билээ. Тэгвэл эл сонгуульд нэр дэвшиж байсан нэр дэвшигч Фернандо Вильявисенсио лхагва гарагт буудуулж амиа алджээ. Тэрээр сонгуулийн компанит ажлынхаа хүрээнд авлига, гэмт бүлэглэлүүдтэй тэмцэнэ хэмээж байсан юм.
Үйл явдлын хүрээнд BBC сувгаас мэдээлснээр Фернандо Вильявисенсио Эквадорын нийслэл Куйто хотод нэгэн арга хэмжээнд оролцоод тарж явахдаа халдлагад өртсөн гэжээ. Улмаар түүний хэрэгт Эквадорын “Los Lobos” буюу Чонос гэх гэмт бүлэглэлийг буруутгаж байгаа юм.
Los Lobos гэмт бүлэглэлийн хувьд Эквадор улсын хэмжээнд хоёр дахь том бүлэглэлд тооцогддог бөгөөд нийт 8,000 орчим гишүүнтэйгээс дийлэнх нь торны цаана амьдардаг ажээ.
Эх сурвалж: BBC