Мягмар гарагт Хятадын Гаалийн ерөнхий газраас мэдээлснээр 2023 оны эхний долоон сард БНХАУ-ын байгалийн хийн импорт 7.6 хувиар өсжээ. Тайлангаас үзвэл энэ оны нэг сараас долоон сарыг хүртэл тэд нийт 66.87 сая метр тонн шингэрүүлсэн байгалийн хий импортолсон байна.

Харин газрын тосны импорт мөн хугацаанд 325.75 сая метр тоннд хүрсэн юм. Энэ нь өнгөрөгч оны мөн үетэй харьцуулахад 12.4 хувиар өссөн үзүүлэлт ажээ.

Үнийн дүнгийн хувьд байгалийн хийн импорт нийтдээ 1.1 хувиар өссөн бол газрын тосны худалдан авалтын дүн 12.3 хувиар буурсан байна.

ТАСС мэдээллийн агентлагаас мэдээлснээр тэд энэ оны эхний долоон сарын хугацаанд өнгөрөгч оны мөн үетэй харьцуулахад ОХУ-аас 8.2 хувиар их газрын тос импортолсон бол 44 хувиар илүү шингэрүүлсэн байгалийн хий импортолжээ.

Эх сурвалж: ТАСС