“Монгол Ай Ди” ХХК – Дижитал ирээдүйг бүтээгч үндэсний компани

“Монгол Ай Ди” ХХК нь интернетэд суурилсан бүтээгдэхүүн, үйлчилгээг эх хэл дээрээ хөгжүүлж, хэрэглэгчдэд хамгийн энгийн, хялбар шийдлийг хүргэхийг эрхэм зорилгоо болгосон үндэсний технологийн компани юм. Бид дижитал амьдралын хэв маягийг Монголд түгээн дэлгэрүүлэх, инновацлаг сэтгэлгээгээр ирээдүйг бүтээх зорилготойгоор өөдрөг тэмүүлэл, цуцашгүй хөдөлмөрөөр ажиллаж байна.

Манай компанийн үйл ажиллагаа дараах үндсэн чиглэлүүдийг хамардаг:

• Финтек үйлчилгээ: Ухаалаг, хурдан шийдэл бүхий санхүүгийн технологийг хөгжүүлж, иргэд болон аж ахуйн нэгжүүдэд зээл олгох үйлчилгээг санал болгодог.

• ПОС төхөөрөмжийн систем: Худалдаа, үйлчилгээний байгууллагуудад зориулсан ПОС төхөөрөмжийн борлуулалт, систем хөгжүүлэлтийг цогцоор нь шийддэг.

• Олон улсын франчайз бизнес: Дэлхийд 600 гаруй салбартай, алдартай Солонгос рестораны Монгол дахь салбарыг албан ёсоор нээж, үйлчилгээний салбарт олон улсын стандарт, амжилтыг нутагшуулж байна.

Ийнхүү бид технологи, санхүү, үйлчилгээний салбарт цогц шийдлүүдийг санал болгож, олон улсын түвшинд өрсөлдөхүйц чанар, сэтгэл ханамжийг эрхэмлэн ажиллаж байна.