"Дорнод Гурил" ХХК нь 1959 онд атар газар эзэмшихтэй зэрэгцэн "Гурил тэжээлийн үйлдвэр" нэртэйгээр зүүн аймгуудын хүн амыг гурилааар, мал сүргийг тэжээлээр хангах зорилготой жилд 4500 тн гурил, 5000 тн тэжээл үйлдвэрлэх хүчин чадалтайгаар ашиглалтанд орж, 1982 онд өргөтгөл хийснээр жилдээ 12000 тн улаанбуудай хүлээн авч 9000 тн гурил, 5000 тн малын тэжээл үйлдвэрлэх хүчин чадалтай болсон. 2012 онд өөрийн хөрөнгө оруулалтаар дэлхийд гурил үйлдвэрлэлийн чиглэлээр тэргүүлж байгаа Швейцарийн "Buhler" фирмийн тоног төхөөрөмжийг оруулж ирэн суурилуулсанаар жилдээ 28000 тн улаан буудай тээрэмдэх хүчин чадалтай болсон.