Үндэсний бүтээн байгуулагч “Гурван Бухат” Групп 2009 онд үйл ажиллагааны үндэс сууриа тавьснаас хойш өдгөө амжилттай өсөн тэлж, барилгын төслийн удирдлага, менежмент, хөрөнгө оруулалт, үйлдвэрлэл (бетон зуурмагийн үйлдвэр, хуванцар металл цонх хаалга, тавилгын үйлдвэрлэл, цахилгаан, дулаан хангамж, агаар сэлгэлтийн угсралт, үйлдвэрлэл) болон гадаад, дотоод худалдаа зэрэг үндсэн дөрвөн чиглэлээр үйл ажиллагаагаа эрчимтэй явуулж байна.

Бид Монгол улсын барилгын салбарт жишиг тогтоохуйц, хүн-байгальд ээлтэй бодлого, төлөвлөлттэй, интерьер, экстерьер, тохижилтын оновчтой, шинэлэг шийдэл бүхий 2100 гаруй айлыг орон сууцаар хангах 8 төслийг хэрэгжүүлж, 1000 гаруй хүнийг ажлын байраар тогтмол хангахын зэрэгцээ группийн 9 салбар компанид 170 гаруй чадварлаг мэргэжилтэн, архитектор, инженер техникийн ажилтнууд нэгэн зорилго, нэгэн тэмүүллээр хамтдаа хичээнгүйлэн ажиллаж байна.

Бидний зорилго бол барилгын салбарт шинэ стандартуудыг тогтоож, чанартай, аюулгүй, байгальд ээлтэй бүтээгдэхүүн, үйлчилгээ үзүүлэх явдал юм. Бидний амжилт нь манай ажилтнуудын мэргэжлийн ур чадвар, хичээл зүтгэл, хамтын ажиллагаа дээр үндэслэгддэг.

“Гурван Бухат” Групп нь ирээдүйд ч гэсэн барилгын салбарт тэргүүлэгч байж, шинэ технологи, инновацийг нэвтрүүлэн, Монгол улсын хөгжилд хувь нэмрээ оруулахыг зорьж байна.